Link do ksionzki….

25/11/2011 By Administrator Leave a Comment

Witom,

No i prziszedl czas publikacji naszyj piyrszyj ksionzki napisanyj przez Maria Kostrzewa pod tytulym : ” Co w sercu śpjywo ..Co w duszy mi gro”. Chcieli by my podziynkowac autorce za mozolno i ciynzko robota nad tom ksionzkom, zwlaszcza ze jest wydano w nowym i calkiym inkszym programie co wymagalo od autorki dodatkowyj roboty. Jednak po przejzyniu i zatwierdzyniu mogymy powiedziec ze warto bylo. Pani Maria Kostrzewa niy ino stanyla na poziomie tego wielkigo zadanio ale za jyj poradom pomogla nom we budowie, funkcjonalnosci i wyglondzie tyj ksionzki za co ji piyknie dziynkujymy. Warto tyz dodac ze za zgodom autorki ksionzka ta jest dostympno we formacie PDF dlo kozdyj szkoly na calym swiecie. Styknie ze napiszom do nos i zaroz im ta ksionzka poslymy.Wiyncyj na tyn tymat jest w dziale „SlonskoGodka we szkole”. Chcieli my tyz podziynkowac naszym partnerom medialnym bez ktorych reklama tyj ksionzki niy bylaby tako owocno.

A som to: Fojerman, Radio Slonske-Muszketery, Radio Bercik-Silesia, Slonskieradio HitMix, SlaskieRadio, Radio Radiolka

Dziynki naszym medialnym sponsorom jestesmy w stanie przedstawic ta ksionzka ogromnyj liczbie sluchaczy i czytelnikow. Toz proszymy zaglondnijcie tyz na ich strony jako ze SlonskoGodka wspiyro tych co wspiyrajom nasza slonsko godka a o tym przeciyz jest nasza nowo ksionzka. Zaproszom wszystkich do czytanio i podawanio linka dali do swojich znajomych, przijaciol i rodziny. A jak tyz chcesz zostac partnerym medialnym to styknie ze dodosz link do tyj ksionzki na swoji stronie abo bloga i dosz nom znac a my umieszczymy link zworotny. Dziynkujymy.

Link do ksionzki :

Co w sercu śpjywo ..Co w duszy mi gro